علا بدر تنتقد بوسترات الأعمال الرمضانية

وجهت علا بدر انتقاداً لاذعاً لشكل بوسترات الأعمال الدرامية السورية بعد طرح شركات الإنتاج معظم بوسترات أعمالها الرمضانية .

وأعربت بدر عن غضبها بسبب الظلم الذي يتعرض له بعض الفنانين، واقتصار الإعلان الترويجي للأعمال على نجمين أو خمسة فقط دون الاكتراث لجهد الآخرين.

بدر كتبت عبر صفحتها الشخصية على فيسبوك: “كتير انصدمت ببعض البوسترات انو بس بيختصروا صورتين أو تلاتة بأحسن الاحوال خمسة، طب معلش اذا مافيا ازعاج يعني باقي الناس شو تعبون شو كرامتون شوقهرون عحالون وقت ماعم يشوفوا صورون شو؟”.

وطالبت بدر جهات الإنتاج بالاستفادة من البوسترات الترويجية للأعمال المصرية والتركية، قائلةً: “شوفوا بوسترات المسلسلات المصرية والتركية إلي عندو 20 مشهد إلو بوستر ولقطة بالبرومو مع العلم هاد الحكي مابتنتبهلوا الناس بينتبهولوا بس ولاد المهنة “.

وتابعت: “قسما بالله من قلبي انقهرت ولا حدا ينط يقول تسويق ومدري شو كفا لعب بالمفردات، الانسانيات والتقدير اهم من اي شي مابيهتز، حضرة التسويق لما بتحط لقطة للناس الي تعبت معك طول شهرين او تلاتة ياجماعة، تعب الناس قيمة الناس وأساميا تاريخا، وجع قلب حرفيا ولو قادرة ل قول اساميون بس مابدي وجعون اكتر”.

واختتمت بدر منشورها، قائلة: “رمضان كريم يارب بس نحنا مو كرما”.

طريقك الصحيح نحو الحقيقة